ما أثار غيظى واستفزازى أن البنت دى عندها 20 سنة فقط ولسة طالبة فى الجامعة الأمريكية.. واصبحت المدونة بتاعتها ملء السمع والبصر وأخوكم الغلبان عنده مدونتين ( مقالات مجانية ) التى نشرت فيها هذا المقال ومدونة ( تجليات فلسفية ) وهى أقدم منها وموضوعاتها أكثر جدية.. وبقالى كام سنة بدون ولا حس ولا خبر.. وطبعا لم أحصل على نصف زوار الأخت علياء.. حتى أننى قد أصبح لدى يقينا فى الشهور الماضية بأننى أكتب لنفسى .. فلا أحد يقرأ ولا أحد يعلق.. لكن الواحد بيكتب من باب الأمل فى أن يأتى يوم أكون فيه حاجة وأشتهر واتصيت وتلعب معاية وساعتها كل الناس حترجع تقرأ اللى كنت باكتبه.. وحتى ذلك الحين قلت خلينى بقا كده صامد.
لكن أن يصل الهبل لهذه الدرجة فلن استطيع أن اتحمل بصراحة.. علشان واحدة قررت أن ترينا مفاتنها والبوى فريند بتاعها معندوش مانع طالما .. in public.. & without feeling so what?! على رأى أخونا مكى ، نقوم نلاقى الدنيا قامت ولا قعدتش ..ويجرى الشعب كله على مدونتها ينهلوا من فيض فنها العارى.. ثم يتحول الموضوع الى مكلمة على شبكات التواصل الاجتماعى وكأننا لا ينقصنا إلا الأخت علياء و شكل جسمها .. وهل هى موزة أم لا؟ وطبيعة علاقتها بالبوى فريند بتاعها.. وكيف تقبله فى الشارع يعنى in public بس المرة دى with feeling .. وهل هى مسلمة أم بلا دين..طب والموز بتاعها فعلا ملحد ولا اشاعة ؟..الخ.فهذا هو الهبل بعينه.. ولا أعرف ما هو الدرس المستفاد من كل هذا ؟ هل نريد أن نقول أن من يخلع ملابسه وينشر صوره عاريا هو الأشطر.. هل مطلوب من كل مدون فى مصر أن يبحث عن فضيحة علشان الناس تقرأ له.. يعنى أطلع من هدومى علشان تقرأولى..طب لما استهوى ولا أخد دور برد حد فيكم حينفعنى ؟
علشان كده .. أنا مخاصمكم.. أه.. مخاصمكم.. بس هيه.
ليس من المهم ان يقرأ لك الملايين كل يوم،فليس هذا معيار الاهتمام.المهم ان تكون انت مؤمن بما تكتب.
ردحذفوأذكرك فقط ان الجيفه تتناوب عليها الالاف من الذباب.ويبقى الماس فحمآ حتى يكتشفه خبيره.